Instant
Lahat ng bagay na instant eh nawawala din agad. Sa pagkain, kung puro instant ang kinakain ng tao araw-araw at walang proper diet eh instant din ang dahilan ng sakit o cancerous. Sa kaibigan, kapag insant mo lang din naging kaibigan, kung minsan sila din yung instant na nawawala sa buhay. Kumbaga eh hindi tumatagal. Sa relationship, kadalasan ay hindi tumatagal o hindi humahantong sa simbahan.
Sa maraming bagay, kapag biglaan lamang nakukuha ang isang bagay na hindi man lang hinintay o pinaghirapan ay mabilis din nawawala. Mabilis din nakakalimutan dahil hindi naman nabigyan ng halaga. Para bang balewala na lamang kasi hindi ka naman nag-effort sa isang bagay para makamit mo yung bagay na yun. Kumbaga hindi ganun kabigat sa pakiramdam kahit na mawala ang isang bagay kasi walang halaga. Kung ang isang bagay ay bingyan mo ng effort at halaga ay sobrang aalagaan mo yung bagay na yun. Hindi mo basta papakawalan o bibitawan ang isang bagay kasi may value. Doon mo mararamdaman na mabigat sa pakiramdam kapag yung bagay na sobra mong pinagpaguran o pinangahalagahan ay sa isang iglap ay nawala na lang. Kaya may mga bagay talaga na dapat ay binibigyan ng halaga na hindi basta basta tinatapon na lang dahil darating ang panahon na pagsisihan mo na nawala ito.
No comments:
Post a Comment